حوار / مني محمود
أجرت بوابة الاِنفراد حوار خاص مع اليوتيوبر حمو شاكر إبن اليوتيوبر الشهيرة “ماما سناء” ، الذي تحدث عن أزمته في الأونة الأخيرة بخصوص وفاة والدته ، و رد “شاكر” علي بعض الإنتقادات التي توجه له ولأسرته ، كما أوضح حقيقة وفاة “ماما سناء” ، ووجه رسالة للأطباء في مصر ، كما أردف عن مصير ڤيديوهاتهم في الفترة المقبلة .
وإلي نص الحوار …
-وجدنا إنتقادات كثيرة توجه إليك في الفترة الأخيرة فما تعليقك علي هذا الأمر ؟وما هي رسالتك للمهاجمين ؟
“اللي متحطش مكانا مش هيدوق الاحنا دوقناه” ، محدش عارف حاجة ولا حد حاسس بالأحنا حسينا بيه ، وكله عائم علي الموجة ، بسبب كام دكتور طلعوا وقفوا جمب زمايلهم وبيدافعوا عنهم ، أما عن رسالتي للمهاجمين فبقولهم “حسبي الله ونعمة الوكيل ” .
-هل فيروس كورونا هو السبب الحقيقي لوفاة “ماما سناء” ؟
لا والدتي توفت بسبب «فشل تنفسي حاد» ، دا اللي مكتوب في شهادة الوفاة ، وأنا طلبت منهم في المستشفي يعملولها ماسحة لكن رفضوا وقالولي المعمل بيفتح 8 الصبح .
-حدثنا عن وصية “ماما سناء” لك ؟
قالت لي:”حافظ علي أخوك وجوزه” ، وإن شاء الله هعمل بوصيتها وهجوزوا في المعاد التي كان متفق عليه .
-ماهي رسالتك للأطباء ؟
إتقوا ربنا في الناس اللي بتجيلكم كل يوم ، أنا أمي خلاص ماتت لكن في أمهات تانية كتير بتروح المستشفيات وبيتعرضوا للإهمال من الدكاترة ، انتو لو من الأول عملتوا اللي عليكم أنا مكنتش هقول كلمة وحشة في حقكم ، والدكتور اللي رفض يساعدني لو من البداية كان وقف جمبي كنت هطلع أشكره وأمجد فيه ، لكن محدش وقف معانا ولا حد ساعدنا ، وأنا قولت في دكاترة حلوة ودكاترة وحشة .
-حدثنا عن بداية ڤيديوهاتكم و من أين أتت هذه الفكرة ؟
الفكرة جت تلقائي ، ولما وريت الڤيديوهات “لماما سناء” قالتلي :”صورني وإشبع مني علشان في يوم مش هتشوفني ” .
-إحكيلنا عن شعورها بعد عرض أول ڤيديو ؟!
أول ڤيديو أنا نزلته علي “التيك توك” وبالصدفة لقيت ناس كتير عملالي إشارة في “الفيس بوك” ، وتفاجأت إنه حقق حوالي 80 مليون مشاهدة علي موقع “الفيس بوك” ، و “ماما سناء” فرحت بيه وفضلت ماسكة التلفون ولابسة النظارة وتقرا في التعليقات كلها ، وطلبت مني نعمل ڤيديوهات بعد كدا علي طول .
-ما هي أعمالك في الفترة المقبلة ؟
أنا وزوجتي وأخويا وزوجته سنقدم محتوي ڤيديوهات هادف مثل ما عودتنا “ماما سناء” .
-وأخيراً وجه رسالة لجمهورك ؟
متظنوش فيا ظن خطأ ، أنا طلعت إتكلمت علشان إمهاتكم مايتعاملوش نفس المعاملة اللي إتعاملت بيها والدتي ، ممكن كنت أسكت وأقول الله يرحمها وأكمل حياتي طبيعي ، لكن أنا مش عايز يحصل للناس نفس اللي حصل معايا .
Discussion about this post